منبعلر: قندهارده یۉل حادثه‌سیده بېش کیشی جان بېردی
۸صبح، قندهار: قندهار ولایتیده‌گی منبعلر‌نینگ اَیتیشیچه، اوشبو ولایت‌نینگ دامان تومنیده یوز بېرگن یۉل-ترانسپورت حادثه‌سی عاقبتیده بېش کیشی جان بېرگن، ینه ۱۵ کیشی جراحتلنگن.
محلی منبعلر پنج‌شنبه کونی، ۲۳-مېزان، اوشبو حادثه چهارشنبه کونی کابل–قندهار عمومی قتناو یۉلی‌نینگ اعظم قلعه حدودیده صادر بۉلگنینی معلوم قیلیشدی.
منبعلر‌نینگ اَیتیشیچه، حادثه ۸۰۵ روسوملی یۉلاوچی اتوبوسی‌نینگ یوک مو‌تری بیلن تۉقنه‌شیشی عاقبتیده یوز بېرگن.
یۉل حادثه‌لری افغانستان عمومی قتناو یۉللریده وقتی-وقتی بیلن صادر بۉلیب، انسانلر حیاتیگه ضامن بۉله‌دی و مادّی ضرر یېتکزه‌دی.
هیداوچیلر‌نینگ احتیاطسیزلیگی، بېلگیلنگن تېزلیک معیاریدن آشیش، یۉللر‌نینگ حالتی و یۉل حرکتی قاعده‌لریگه رعایه قیلمسلیک یۉل حادثه‌لری خوفینی آشیریشی ممکن بۉلگن عامللردندیر.
