یونیسف: قیزلر‌نینگ تعلیمدن محروم اېتیلیشی حامله‌دار آنه‌لر‌نینگ طبی خدمتلردن فایده‌لنیشینی قیینلشتیردی
۸صبح، کابل: بیرلشگن ملتلر تشکیلاتی‌نینگ باله‌لرنی قۉللب-قوّتلش جمغرمه‌سی (یونیسف) افغانستانده قیزلر‌نینگ تعلیم آلیشی و عیاللر‌نینگ ساغلیقنی سقلش ساحه‌سیده فعالیت یوریتیشیگه قۉییلگن چېکلاولر حامله‌دار عیاللر و آنه‌لر‌نینگ طبی خدمتلردن فایده‌لنیشینی قیینلشتیرگنینی معلوم قیلدی.
اوشبو تشکیلات چهارشنبه کونی، ۲۲-میزان، حسابات اعلان قیلیب، افغانستانده دنیاده‌گی چقه‌لاقلر اۉلیمی کۉرسه‌تکیچلریدن بیری اېنگ یوقاری اېکنینی و هر ییلی مینگلب آنه‌لر هم حامله‌دارلیک بیلن باغلیق سببلرگه کۉره حیاتدن کۉز یومیشینی بیلدیردی.
یونیسف قیزلر‌نینگ تعلیمدن محروم اېتیلیشی بیلن بیر وقتده، طبی خدمت کۉرسه‌تووچی عیاللر، جمله‌دن، دایه‌لر هم چېکلاولرگه دوچ کېله‌یاتگنینی اَیتدی.
حساباتگه کۉره، کۉپلب حامله‌دار عیاللر و اېرکک شفاکارلرگه مراجعت قیله آلمه‌یدیگن آنه‌لر توغروقدن آلدینگی پرورش همده آنه‌لر سلامتلیگی خدمتلریدن محروم قالگن.
یونیسف قیزلر‌نینگ تعلیم آلیش حقوقی تیکلنیشی کېره‌کلیگینی تأکیدلب، اولر اۉز تعلیم و کسبی کېله‌جگینی دوام اېتتیره آلیشلری لازملیگینی قید اېتدی.
