بیرلشگن ملتلر تشکیلاتی افغانستانگه قَیتگنلر اوچون ایش بیلن تأمینلش امکانیتلری یره‌تیلگنینی معلوم قیلدی
۸صبح، کابل: بیرلشگن ملتلر تشکیلاتی‌نینگ قاچقینلر ایشلری بۉییچه عالی کمیسارلیگی (UNHCR) افغانستانگه قَیتگن مهاجرلرنی بیزنس باشلش و ایش ا‌ۉرینلری یره‌تیشده قۉللب-قوّتله‌یاتگنینی معلوم قیلدی.
اوشبو تشکیلات چهارشنبه کونی، ۲۲-میزان، ایکس صحیفه‌سیده یازیشیچه، اولر‌نینگ اَیریملری مذکور تشکیلات و جاپان خلق‌ارا همکارلیک آژانسی (JICA) یاردمیده افغانستانده اۉز بیزنسلرینی قَیته یۉلگه قۉیگن.
بیرلشگن ملتلر تشکیلاتی بو آرقه‌لی افغانستانگه قَیتگن عیاللر همده مملکت ایچیده کۉچیشگه مجبور بۉلگن شخصلر اوچون هم ایش امکانیتلری یره‌تیله‌یاتگنینی قۉشیمچه قیلدی.
بو یاردم قۉشنی دولتلر، خصوصاً، ایران و پاکستاندن افغانستانلیک مهاجرلرنی مجبوری دېپورت قیلیش جریانی دوام اېته‌یاتگن بیر پیتده کۉرسه‌تیلماقده.
طالبان سۉزلاوچیسی اۉرین‌باسری حمدالله فطرت هم اۉتگن کون ۱۶۲ ته عایله، جمعی ۶۹۸ کیشی افغانستانگه مجبوری روشده قَیتریلگنینی معلوم قیلدی.
