بیرلشگن ملتلر تشکیلاتی: قیشلاق عیاللری برقرار رواجلنیشده مهم رۉل اۉینه‌یدی
بیرلشگن ملتلر تشکیلاتی قیشلاق عیاللری جمعیتلرنی رواجلنتیریش همده ینه‌ده برقرار و تورلی انقراضلرگه برداشلی کېله‌جکنی برپا اېتیشده مهم رۉل اۉینه‌شینی معلوم قیلدی.
اوشبو تشکیلات پنج‌شنبه کونی، ۲۳-مېزان، خلق‌ارا قیشلاق عیاللری کونی مناسبتی بیلن بو عیاللر‌نینگ سعی-حرکتلرینی اعتراف اېتیب، اولر‌نینگ فعالیتینی قۉللب-قوّتلشگه چقیردی.
بیرلشگن ملتلر تشکیلاتی‌نینگ اَیتیشیچه، تعلیم، ساغلیقنی سقلش و مالیوی خدمتلردن فایده‌لنیش امکانیتی‌نینگ چېکلنگنی اوشبو عیاللر آلدیده‌گی اېنگ مهم معمالردن بیریدیر.
تشکیلات قۉشیمچه قیلیشیچه، خلق‌ارا آزیق-طعام انقراضلری، اقتصادی معمالر و اقلیم اۉزگریشی قیشلاق عیاللری‌نینگ قیینچیلیکلرینی ینه‌ده کوچه‌یتیرگن.
بیرلشگن ملتلر تشکیلاتی باش مجمع‌سی ۲۰۰۷-ییلده قیشلاق عیاللری‌نینگ ترقیاتده‌گی رۉلینی تأکیدلش و جنسی تېنگسیزلیگیگه قرشی کوره‌شیشگه اعتبار قره‌تیش مقصدیده ۱۵-اکتوبرنی خلق‌ارا قیشلاق عیاللری کونی دېب اعلان قیلگن.
