بیرلشگن ملتلر تشکیلاتی: افغانستان وطنداشلری آچلیک و کېتمه-کېت انقراضلرگه دوچ کېلماقده
۸صبح، کابل: بیرلشگن ملتلر تشکیلاتی‌نینگ قاچقینلر بۉییچه عالی کمیسارلیگی (UNHCR) ایچکی کۉچیریلگنلر همده قۉشنی مملکتلردن قَیتیب کېله‌یاتگن عایله‌لر تورلی انسانپرورلیک انقراضلرگه دوچ کېله‌یاتگنی و یاردمگه محتاجلیگینی بیلدیردی.
اوشبو تشکیلات شنبه کونی، ۲۵-مېزان، ایکس صحیفه‌سیده آچلیک، طبیعی آفتلر و بیر وقت‌نینگ اۉزیده یوز بېره‌یاتگن انقراضلر افغان عایله‌لری‌نینگ حیاتینی ینه‌ده قیینلشتیرگنینی یازدی.
تشکیلات معلوماتیگه کۉره، بیر میلیوندن آرتیق کیشی قۉشنی مملکتلردن افغانستانگه قَیتیشگه مجبور بۉلگن.
بیرلشگن ملتلر تشکیلاتی‌نینگ قاچقینلر بۉییچه عالی کمیسارلیگی قۉشیمچه قیلیشیچه، بو انسانلر‌نینگ کۉپچیلیگی آغیر شرایطلرده مملکتگه قیتماقده و ناانیق کېله‌جککه دوچ کېلماقده.
تشکیلات مهاجرلر‌نینگ عامه‌وی روشده قَیتیشی افغانستاندهگی انسانپرورلیک انقراضنی کوچه‌یتیرگنی و شاشیلینچ یاردمگه بۉلگن احتیاجنی آشیرگنیدن آگاهلنتیردی.
اوشبو اداره محتاج عایله‌لرگه حیاتی مهم و حیاتنی سقلب قالووچی یاردم کۉرسه‌تیش اوچون ینه‌ده کۉپراق یاردم ضرورلیگینی تأکیدله‌دی.
