منبعلر نیمروزده سابق حربی طالبان تامانیدن حبسگه آلینگنی و قییناققه سالینگنی حقیده خبر بېریشدی
۸صبح، نیمروز: منبعلرنینگ خبر بېریشیچه، طالبان استخباراتی ایراندن چیقریلگن سابق حربینی نیمروز ولایتیده حبسگه آلگن و کلتکلهگن.
منبعلر چهارشنبه، ۲۷-عقرب، ۸صبح گزېتهسیگه اوشبو حربی اصلی بدخشان ولایتی یشاوچیسی اېکنلیگینی معلوم قیلیشدی.
منبعلرنینگ سۉزلریگه کۉره، او ایراندن مجبوری روشده قَیتریلگنیدن کېین طالبان استخباراتی تامانیدن حبسگه آلینگن.
منبعلر طالبان اوشبو سابق حربینی انیق بیر سبب کۉرسهتمسدن حبسگه آلگنی و کلتکلهگنینی قۉشیمچه قیلیشماقده.
طالبان حاکمیتنی اېگهللهگنیدن سۉنگ، اوشبو گروه رهبری تامانیدن عمومی عفو فرمانی اعلان قیلینگنیگه قرهمهی، سابق حربیلرنینگ حبسگه آلینیشی، قییناققه سالینیشی و اۉلدیریلیشی حقیدهگی خبرلر همان ترقهلماقده.
اوشبو فرمان اعلان قیلینگنیگه قریب بېش ییل اۉتگن بۉلسه-ده، خبرلر سابق حکومت حربیلریگه نسبتاً بوندهی مناسبتلر دوام اېتهیاتگنیدن دلالت بېرماقده.





