بیرلشگن ملتلر تشکیلاتی افغانستانگه ۱۸ میلیون دالر فوقالعاده یاردم اجرهتدی
۸صبح، کابل: بیرلشگن ملتلر تشکیلاتینینگ انسانپرورلیک یاردملرنی موافقلشتیریش باشقرمهسی (اوچا) افغانستان اوچون ۱۸ میلیون دالر مقداریده فوقالعاده یاردم تصدیقلنگنینی معلوم قیلدی.
اوچا سهشنبه کونی، ۲۶-عقرب، اوشبو مبلغ مملکتدهگی ۸۲۴ مینگدن آرتیق ضعیف و حمایهگه محتاج اهالیگه یاردم کۉرسهتیش اوچون صرفلنیشینی بیلدیردی.
مذکور تشکیلاتنینگ قۉشیمچه قیلیشیچه، اوشبو یاردم بمتنینگ فوقالعاده وضعیتلرگه جواب بېریش مرکزی جمغرمهسی (CERF) حسابیدن تامینلنگن.
اوشبو بودجه آزیق-طعام خوفسیزلیگی، اېکینچیلیک، ساغلیقنی سقلش، آزیقلنیش، حمایه، باشپناه، ایچیملیک سووی و تازهلیک خدمتلری ساحهلریده یېتّی ته لایحهنی عملگه آشیریش اوچون صرفلنهدی.
دستوردن کۉزلنگن مقصد عایلهلرنینگ شاشیلینچ احتیاجلرینی قاندیریش و اساسی خدمتلرنی دوام اېتتیریش آرقهلی اۉلیم، کسللیک و حمایه بیلن باغلیق خوف-خطرلرنینگ آلدینی آلیشدن عبارت.
بمتنینگ قۉشیمچه قیلیشیچه، قَیتیب کېلگن قاچقینلر، ایچکی کۉچیریلگنلر، عیاللر، بالهلر و باشقه حمایهگه محتاج گروهلر اوشبو یاردمنی آلیشده استوار اهمیتگه اېگه.





