منبعلر غزنیده‌ ۱۲ یاشلی باله‌‌نینگ اۉلدیریلگنی حقیده‌ خبر بېریشدی

۸صبح، غزنی: محلی منبعلر‌نینگ اَیتیشیچه‌، غزنی ولایتی‌نینگ گیرا تومنیده‌ ۱۲ یاشلی باله‌ اۉلدیریلگن.

محلی منبعلر چهارشنبه‌ کونی، ۲۷-عقرب، ۸صبح گزېته‌سیگه‌ اوشبو باله‌‌نینگ جسدی گیرا تومنیده‌گی علی‌خیل قیشلاغی‌نینگ تاغلی حدودیدن تاپیلگنینی معلوم قیلیشدی.

منبعلر‌نینگ سۉزلریگه‌ کۉره‌، بو باله‌ تۉرت کون آلدین اۉز اویی یقینیدن غایب بۉلگن اېدی.

غزنیده‌گی طالبان خوفسیزلیک قوماندانلیگی هم اوشبو حادثه‌ یوز بېرگنینی تصدیقله‌دی.

طالبان وکیللری‌نینگ اَیتیشیچه‌، اوشبو باله‌ شخصی عداوتلر طفیلی اۉلدیریلگن بۉلیشی ممکن.

اوشبو حادثه‌ سۉنگگی آیلرده‌ مملکت‌نینگ تورلی حدودلریده‌ جنایتلر، مقصدلی قاتللیکلر و اۉغریلیکلر سانی آرتگنی حقیده‌گی خبرلر ترقه‌له‌یاتگن بیر پیتده‌ یوز بېرماقده‌.

باله‌لر خوفسیزلیگیگه‌ نسبتاً تهدیدلر‌نینگ آرتیشی وطنداشلر‌نینگ خواطرینی اویغاتگن.

دکمه بازگشت به بالا