یونسکو: کمبغللیکنی برطرف اېتیش تېنگ امکانیتلر یره‌تیشنی طلب قیله‌دی
بیرلشگن ملتلر تشکیلاتی‌نینگ تعلیم، فن و مدنیت تشکیلاتی (یونسکو) کمبغللیکنی برطرف اېتیش برچه اوچون تېنگ امکانیتلر یره‌تیشنی طلب قیلیشینی معلوم قیلدی.
اوشبو تشکیلات شنبه کونی، ۱۷-اکتوبرده، خلق‌ارا کمبغللیککه برهم بېریش کونی مناسبتی بیلن تعلیم، فن و ایجادی اقتصادیات آرقه‌لی آدملر‌نینگ بیلیم، کۉنیکمه و ایش امکانیتلریدن فایده‌لنیش امکانیتلرینی کېنگه‌یتیریش ممکنلیگینی بیلدیردی.
یونسکو برچه اوچون انسانی قدر-قیمت تأمینلنگن کېله‌جکنی برپا اېتیش یۉلیده حرکت قیله‌یاتگنینی تأکیدلب، بونده‌ی کېله‌جکده هېچ کیم ترقیات امکانیتلریدن محروم قالمسلیگی کېره‌کلیگینی قید اېتدی.
خلق‌ارا کمبغللیککه برهم بېریش کونی هر ییلی ۱۷-اکتوبرده نشانلنه‌دی.
اوشبو کون‌نینگ تاریخی ۱۹۸۷-ییلگه باریب تقیله‌دی. اۉشه‌نده پاریس‌ده یوز مینگدن آرتیق کیشی ییغیلیب، کمبغللیکنی انسان حقوقلری‌نینگ بوزیلیشی دېب اعلان قیلگن.
بیرلشگن ملتلر تشکیلاتی اوشبو کوننی نشانلش آرقه‌لی کمبغللیککه قرشی کوره‌شیش همده انسان حقوقلری و قدر-قیمتینی تأمینلش اوچون خلق‌ارا بیردملیک ضرورلیگینی تأکیدله‌یدی.
