طالبان: سۉنگگی بیر ییل ایچیده ماینلر و باشقه پارتلاوچی قورال‌لر پورتلشی عاقبتیده ۸۷ کیشی هلاک بۉلگن
۸صبح، کابل: طالبان نینگ فوق العاده وضعیتلرگه تیارگرلیک و اولرگه قرشی کوره‌شیش باشقرمسی سۉنگگی بیر ییل دوامیده مملکت بۉیلب ماینلر و باشقه اوروش قوراللری پورتلشی عاقبتیده ۸۷ کیشی هلاک بۉلگنینی معلوم قیلدی.
مذکور اداره، ۱۵- دلو، چهارشنبه کونی، بېرگن بیاناتیده پورتلش قربانلری نینگ ۶۷ فایزی باله‌لر اېکنینی ادعا قیلگن.
طالبان معلوماتیگه کۉره، اۉتگن بیر ییل ایچیده، ۱۹۳ پورتلش حادثه‌سی قید اېتیلگن.
گروه نینگ دعوا قیلیشیچه، اوشبو واقعه‌لر نتیجه‌سیده ۳۳۳ کیشی جراحتلنگن.
شونینگدېک، طالبان بو دور مابینیده ماینلر خوفی بۉییچه بیر میلیوندن آرتیق کیشیگه توشونتیریش و آگاهلنتیریش مشغولاتلری اۉتکزیلگنینی بیلدیرگن.
بو بیاناتلر طالبان نینگ اۉزی مملکت نینگ تورلی حدودلریده ماین جایلشتیریشده عیبلنیب کېلینه‌یاتگن بیر پیتده ینگره‌ماقده.
افغانستانده اوزاق ییللیک اوروشلردن قالگن پارتلاوچی قوریلمه‌لر و جنگاور قالدیقلر وقتی-وقتی بیلن پورتلب، عادی فقرالر، اینیقسه باله‌لر آره‌سیده تلفاتلر کېلتیریب چیقریشده دوام اېتماقده.
