اروپا اتفاقی افغانستانده برقرارلیک و چیدملیلیک اوچون ۱۰ میلیون یورو یاردم بېردی
۸صبح، کابل: افغانستاندهگی اروپا اتفاقی وکالت‌خانه‌سی افغانستانده ۱۳،۵ میلیون یورولیک لایحه‌نی عملگه آشیریش اوچون آغاخان جمغرمه‌سیگه ۱۰ میلیون یورو اجره‌تیلگنینی اعلان قیلدی.
اوشبو اتفاق چهارشنبه کونی، ۱۱-سنبله، ترقه‌تگن بیاناتیده لایحه‌‌نینگ قالگن ۳،۵ میلیون یوروسی آغاخان جمغرمه‌سی تامانیدن تأمینلنیشینی اعلان قیلدی.
بیانات‌گه کۉره، اوشبو لایحه کۉچیریلگن اهالی‌نینگ چیدملیلیگینی و برقرار قَیته قوشیلیشینی کوچه‌یتیره‌دی، شونینگدېک، اۉن ته ولایتده اقتصادی اۉسیشنی رواجلنتیره‌دی.
اروپا اتفاقی‌نینگ اَیتیشیچه، اوچ ییل دوامیده اوشبو دستور ۸۳ مینگ ۱۹۷ کیشیگه بې‌واسطه و ۵۸۲ مینگ ۳۷۹ کیشیگه بالواسطه، جمله‌دن، یاشلر، عیاللر، ضعیف مېزبان جماعه‌لر، قَیتیب کېلووچیلر و ایچکی کۉچیریلگنلرگه فایده کېلتیره‌دی.
اروپا اتفاقی وکالت‌خانه‌سی اوشبو لایحه اقلیمگه چیدملیلیک و اېکینچیلیک تیریکچیلیک واسطه‌لری، اقتصادی اۉسیش و بندلیک، شونینگدېک، جمعیت‌نینگ چیدملیلیگی و برقرار قَیته قوشیلیشنی اۉز ایچیگه آلیشینی قۉشیمچه قیلدی.
بو یقینده بیرلشگن ملتلر تشکیلاتی قَیتیب کېلووچیلر و طبیعی آفتلردن ضرر کۉرگن اهالیگه یاردم کۉرسه‌تیش اوچون مبلغ‌نینگ کېسکین یېتیشمه‌یاتگنی حقیده خبر بېرگن بیر پیتده یوز بېرماقده.
