نورستان‌ده سوو تاشقینی بیر عایله اوچ اعضاسی‌نینگ جانینی آلدی
۸صبح، نورستان: نورستان ولایتی‌نینگ وانت تومنیده سوو تاشقینی بیر عایله‌‌نینگ اوچ اعضاسی‌نینگ حیاتیگه جانینی آلگن و مادّی ضرر یېتکزگن.
نورستان‌ده طالبان والیسی اداره‌سی سه‌شنبه کونی، ۱۰-سنبله، اعلان قیلگن بیاناتیده اوشبو ولایت‌نینگ وانت تومنیده‌گی «اشو» حدودیده سېل کېلیشی عاقبتیده بیر عایله‌‌نینگ ایکّی عیال و بیر باله‌دن عبارت اوچ اعضاسی جان بېرگنینی اَیتگن.
طالبان بیاناتیگه کۉره، سوو تاشقینی قربانلری‌نینگ جسدلری تاپیلگن.
شو بیلن بیرگه، اوشبو ولایتده‌گی محلی منبعلر ۸صبح گزېته‌سیگه اَیتیشیچه، بو عایله‌‌نینگ ینه تۉرت اعضاسی‌نینگ جسدلری هلی تاپیلمه‌گن و محلی اهالی اولرنی قیدیرماقده.
بو حالت قریب بیر آی اوّل هم نورستان‌ده هلاکتلی سوو تاشقینی عاقبتیده کمیده ۳۰ کیشی جان بېرگن بیر پیتده یوز بېرماقده.
