آزادلیک جبههسی سرپلده طالباننینگ بېش جنگچیسی اۉلدیریلگنی و یرهلنگنی حقیده خبر بېردی
۸صبح، کابل: افغانستان آزادلیک جبههسی سرپل ولایتیده اوشبو جبههگه قرهشلی کوچلرنینگ حربی هجومی عاقبتیده طالباننینگ بېش جنگچیسی اۉلدیریلگنی و یرهلنگنی حقیده خبر بېردی.
اوشبو جبهه جمعه کونی، ۳ مېزان، ترقهتگن بیاناتده، اولرنینگ کوچلری اۉتگن پنجشنبه کېچهسی ساعت ۱۰:۰۰ اطرافیده سرپل مرکزیدهگی طالبان جنگچیلرینینگ بیرینچی حدودیگه هجوم قیلگنی اَیتیلگن.
افغانستان آزادلیک جبههسی معلوم قیلیشیچه، اوشبو عملیات نتیجهسیده طالباننینگ اوچ جنگچیسی اۉلدیریلگن، ینه ایکّی جنگچیسی یرهلنگن.
بیاناتگه کۉره، هجوم طالباننینگ بیر گروه جنگچیلری اوشبو حدود ایچیده تۉپلنگن پیتده عملگه آشیریلگن.
اوشبو جبههده اۉز کوچلرینینگ احتمالی تلفاتلری و هجوم قندهی عملگه آشیریلگنی حقیده باتفصیل معلومات بېریلمهگن.
بو حالت طالبانگه قرشی جبههللر، جملهدن، افغانستان آزادلیک جبههسی اوشبو گروهگه قرشی هجوملرینی کوچهیتیرگن بیر پیتگه تۉغری کېلماقده. ینه بیر واقعهده اېسه اوشبو جبهه تامانیدن کابلده طالباننینگ اوچ جنگچیسی اۉلدیریلگنی و یرهلنگنی حقیده خبر بېریلگن اېدی.
