بادغیسنینگ غورماچ تومنیدهگی ساغلیقنی سقلش مرکزی ۱۱۱ مینگ دالر قیمتیدهگی طبی جهازلرنی آلدی
۸صبح، بادغیس: طالباننینگ ساغلیقنی سقلش وزیرلیگی بادغیس ولایتینینگ غورماچ تومنیدهگی بیر ساغلیقنی سقلش مرکزیگه ۱۱۱ مینگ امریکا دالری قیمتیده ۴۶ توردهگی طبی جهازلر یېتکزیب بېریلگنینی اَیتدی.
اوشبو وزیرلیک شنبه کونی، ۴-مېزان، بیاناتیده مذکور جهازلر بیرلشگن ملتلر تشکیلاتینینگ قاچقینلر بۉییچه عالی کمیسارلیگی (UNHCR) مالیوی یاردمیده اوشبو ساغلیقنی سقلش مرکزیگه تاپشیریلگنینی بیلدیرگن.
بیاناتگه کۉره، یقین کېلهجکده ینه بیر تۉپلم طبی جهاز هم اوشبو ساغلیقنی سقلش مرکزیگه تاپشیریلهدی.
غورماچ تومنی افغانستاننینگ شِمالی-غربیده جایلشگن بادغیس ولایتینینگ تومنلریدن بیری بۉلیب، اونینگ اهالیسی ساغلیقنی سقلش خدمتلریدن فایدهلنیشده چېکلاولرگه دوچ کېلماقده.
اوشبو ولایتدهگی ساغلیقنی سقلش مرکزلریگه طبی خدمتلر کۉرسهتیش اوچون کۉپراق جهاز و امکانیتلر ضرور.
