خلق‌ارا مهاجرت تشکیلاتی افغانستاندهگی ساخته ایش تکلیفلری حقیده آگاهلنتیردی
۸صبح، کابل: خلق‌ارا مهاجرت تشکیلاتی (IOM) افغانستانده اوشبو تشکیلات نامیدن فایده‌لنیب، ساخته ایش تکلیفلری ترقه‌تیله‌یاتگنی حقیده آگاهلنتیردی.
اوشبو تشکیلات دوشنبه کونی، ۲-سنبله، ایکس صحیفه‌سیده آدملردن ایشگه عریضه تاپشیریش یاکه معلوماتلرینی اولشیشدن آلدین بو تکلیفلر‌نینگ رسمی اېکنیگه ایشانچ حاصل قیلیشنی سۉره‌گن.
خلق‌ارا مهاجرت تشکیلاتی افغانستاندهگی برچه ایش ا‌ۉرینلری اوشبو تشکیلات‌نینگ «ACBAR»ایش قیدیریش وېب-سایتی آرقه‌لی اعلان قیلینیشینی بیلدیرگن.
تشکیلات قۉشیمچه قیلیشیچه، خلق‌ارا مهاجرت تشکیلاتی‌نینگ ایشگه قبول قیلیش جریانی بیلن باغلیق برچه علاقه‌لر @iom.int رسمی ایمیل منزلیدن عملگه آشیریله‌دی.
خلق‌ارا مهاجرت تشکیلاتی ایش ا‌ۉرینلری اوچون هېچ قنده‌ی تۉلاو اوندیریلمسلیگینی و طلبگارلردن بانک معلوماتلری یاکه باشقه مخفی معلوماتلر سۉره‌لمسلیگینی تأکیدله‌گن.
