اسلام‌آباد عالی محکمه‌سی افغانستان طلبه‌لرینی پاکستان بیلن اوروشه‌یاتگن مملکت وطنداشلری دېب اته‌دی
۸صبح، کابل: اسلام‌آباد عالی محکمه‌سی پاکستانده تحصیل آله‌یاتگن بیر گروه افغانستانلیک طلبه‌لر‌نینگ اۉقیش ویزه‌سینی اوزه‌یتیریش حقیدگی عریضه‌سی یوزه‌سیدن، اولر پاکستان بیلن اوروش حالتیده‌گی مملکت وطنداشلری اېکنینی اَیتگن.
ایکسپرس تریبون شنبه کونی، ۷ سنبله، بو مساله پاکستانده تحصیل آله‌یاتگن ۸۷ نفر افغانستان وطنداشی‌نینگ ویزه‌سینی اوزه‌یتیریش بۉییچه پاکستانلیک محکمه تامانیدن کۉتریلگنینی خبر قیلگن.
گزارشگه کۉره، اسلام‌آباد عالی محکمه‌سی اعضاسی قاضی خادم‌حسین سومرو اوشبو طلبه‌لر‌نینگ وکیلی‌گه پاکستان حاضرده افغانستان بیلن اوروش حالتیده اېکنینی اَیتگن.
او جمعه کونی بۉلیب اۉتگن محکمه مجلسیده وکیل‌دن: «اگر بیر گروه هندوستانلیک طلبه‌لر هم شونده‌ی عریضه بیلن مراجعت قیلسه، اولرگه ویزه‌نی اوزه‌یتیریب بېره‌سیزمی؟» دېب سۉره‌گن.
حساباتگه کۉره، وکیل بو طلبه‌لر ۲۰۲۳-ییلده، پاکستان و طالبان اۉرته‌سیده‌گی مناسبتلر هلی کېسکینلشمه‌گن پیتده، پاکستانگه کېلگنینی جواب بېرگن.
بو شونده‌ی بیرحالده دیر که طالبان گروهی افغانستانده روسیه‌دن باشقه هېچ بیر دولت تامانیدن تن آلینمه‌گن.
