حزب‌لر نینگ تابوت‌لری گه آخرگی میخ؛ حزب دن آت توتیش «جرم» اعلان قیلیندی
طالبان دوحه ده صلح مذاکره‌لری جریانیده، افغانستانده سیاسی کوپچیلیکنی تن آلیشینی اېتگن اېدی. بیراق سابق حکومت قولشیدن کیېن سیاسی آقیملر نینگ فعالیت‌لرینی ممنوع اعلام قیلدی. طالبان حاکمیتیده عدلیه وزیرلیگی، حزب‌لر ریاستینی اوشبو وزیرلیک تشکیلیدن حذف قیلدی و ینگی‌لیکده مذکور وزیرلیک سرپرستی بو گروه رژیمیده حزب دن آت توتیش جرم‌لیگینی اعلان قیلیب و بو رژیم ده حزب ده جای یوق‌لیگینی بیلدیردی. او بو بیانات نی طالبان و گلبدین حکمت‌یار آره‌سیده قرشی‌لیک تاپیلگچ بیان قیلگن. طالبان نینگ بو عملداری مملکتده وضعی قانون یوق‌لیگینی قبول قیلمه‌ی و مملکتده قانون بوش‌لیگی بارلیگینی اېتگن کیشی ایمانینی قیته کوریب چیقیشی کېره‌ک دیگن. شو بیلن بیرگه، مملکت فقرالریدن بیرقطاری طالبان مذکور عملداری نینگ بیاناتیدن خواطر بیلدیریب ایتیشلریچه، بونده‌ی بویروغ طالبان سیاسی آقیملر نینگ اعضالرینی اۉتمیش گه نسبتن قییناق‌لب و حبس گه آلیشلری گه سبب بوله‌دی. شونینگدیک اولکه یشاوچیلری طالبان مملکتده مطلق دیکتاتورلیکنی عملی قیلیب و بو گروه نینگ اعضالریدن باشقه هېچ کیم نینگ آزادلیگی یوق‌لیگینی معلوم قیله‌دیلر.
دنیا همجمعیت و قۉشنی مملکتلر قریب سۉنگی اوچ ییل ایچیده هردایم افغانستانده سیاسی قدرت و بویوک قرار قبول قیلیشلرده سیاسی آقیملر، آزچیلیک اېلتلر و مذهبی گروه‌لر گه حق بیریلیشینی اېسته‌گن. بیراق طالبان دنیا همجمعیت نینگ هېچ بیر اېسته‌گیگه اعتبار بیرمه‌ی و حتا سیاسی حزب‌لردن آت توتیشنی جرم اعلام قیلگنلر.
طالبان حاکمیتیده عدلیه وزیرلیگی سرپرستی عبدالحکیم شرعی بو گروه رژیمیده حزب دن آت توتیش جرم‌لیگینی اعلان قیلیب و بو رژیم ده حزب ده جای یوق‌لیگینی بیلدیرگن. او بو بیانات نی طالبان و گلبدین حکمت‌یار آره‌سیده قرشی‌لیک تاپیلگچ بیان قیلگن.
طالبان گلبدین حکمت‌یار نی سابق حکومت صلح کېلیشووی اوچون اختیاری گه قرار بیرگن اوی دن چیقرگنلر. حزب اسلامی ییتکچیسی حاضرگچه بوتوغریده فکر-ملاحظه بیلدیرمه‌گن، بیراق اوغلی حبیب‌الرحمان، طالبان نینگ بو حرکتیدن تنقید قیلیب و اونی «اویت‌لی» اته‌گن.
طالبان عدالیه وزیرلیگی سرپرستی گه کوره، بو گروه حکمت‌یار گه اوی‌نی بوشه‌تیش اوچون هفته‌لر و آی‌لر فرصت بیرگندی و او اوچون اوی تاپگن بولسه‌لرده، او کېچیکتیرگن. طالبان نینگ بو عملداری حزب اسلامی طرفدارلری نینگ اوشبو حزب رهبری گه حرمت‌سیزلیک قیلیش گه دایر تنقیدلرینی رد قیلیب و اولرنی «عقل‌سیزلیک و توشینمسلیکّه» عیبله‌گن. شرعی نینگ ایتیشیچه: «سیزلر بونی حرمت‌سیزلیک بیله‌سیز یاکه حرمت قیلیش؟ بونی حرمت‌سیزلیک بیلسنگیز، بو معناده که حرمت نی بیلمه‌سیز و عقللرینگیز ایشلمه‌یدی.» حکمت‌یار حزبی نینگ آدرسیدن موضع‌گیرلیک قیله‌دی، لېکن طالبان رژیمیده حزب نینگ قانونی اۉرنی یوق دیر.»
طالبان بو عملداری حکمت‌یار گه خطاب ایتیشیچه: «صاحب! عدلیه وزیرلیگی تشکیلاتیده حزب‌لر نینگ ریاستی بیکار قیلینگن. حزب‌لر قانونی نقطه‌ی نظر دن بو تېزیمده جایی یوق. قانونی لحاظ دن حزب دن آت توتیش جرم دیر.»
عبدالحکیم شرعی، بو گروه رژیمی ده قانون یوق‌لیگیدن تنقید قیلگنلر نینگ ایمانینی ضعیف دیب ایتیشیچه، اوشبو گروه رژیمی قانون بوش‌لیگی بیلن دوچ اېمس و اساسی قانون یوق‌لیگینی اېتگن کیشی‌لر، ایمانینی قیته کوریب چیقیشی کېره‌ک.
عدلیه وزیرلیگی سرپرستی گه کوره، مملکتده سیاسی حزب‌لر نینگ فعالیتی «بوتونلی» تقیق‌لنگن. مملکتده سیاسی حزب‌لر نینگ بارلیگی «نه شرعی اساسی بار، نه ملت اوچون فایده‌سی بار و نه هم ملت اېسته‌یدی.» دیه ادعا قیلگن، طالبان حاکمیتیده عدلیه وزیرلیگی سرپرستی عبدالحکیم شرعی.
عین‌حالده، مملکت یشاوچیلریدن بیرقطاری نینگ ایتیشلریچه، طالبان سۉنگی ایکّی ییل ایچیده امریکا قۉشمه ایالتلری بیلن دوحه بیتیمی و صلح مذاکره‌لری گه بیرگن وعده‌لری گه قرشی قدرت نی قمراو گه آلیش، اۉز باشیمچه‌لیک و طالبانیزه قیلیش ایشلر گه قول اۉرگن. یشاوچیلر گه کوره، افغانستان اېتینک، تیل و مذهبی کوپچیلیک بیر مملکت دیر و بیر قنچه حزب‌لر فعالیت قیله‌دی و سیاسی حزب‌لر جرم اته‌لیشی، سیاسی حزب‌لر گه طرفدار مینگلب کیشی نینگ تېریکچیلیگینی خوف بیلن دوچ قیله‌دی.
سیاسی حزب‌لر اعضالریدن بیری احمدرشاد نینگ ایتیشیچه، طالبان قریب سۉنگی اوچ ییلده کېتمه-کیت سیاسی آقیملر اعضالریدن قصاص آلیش، قییناق‌لش و اولرنی حبس گه آلیش گه قول اۉرگن و بو گروه نینگ ینگی چېکلاوی مینگلب کیشی نینگ حیاتینی خوف بیلن دوچ قیله‌دی.
یشاوچیلردن بیری ابراهیم ارشادی ایکس صحیفه‌سیده یازیشیچه: «یالغیز بیر حزب، قومی بیر گروه و بیر تیل رسمی دیر و لاغیر… افغانستان اېلت، حزب، سیاسی، تیل و مذهبی کوپچیلیک بیر مملکت دیر.» اونینگ تاکیدلشیچه: «بو کوپچیلیکنی درک قیلیب و حرمت قیلمه‌گن حاکملر، مغلوب بولیش گه محکوم دیر. بونی تاریخ اثباتله‌گن.»
شو بیلن بیرگه، سیاسی آقیملر اعضالریدن بیرقطاری که اۉزلری نینگ ایتیشلریچه، حاضر افغانستانده جدی خوف بیلن تېریکچیلیک قیلماقده‌لر، طالبان رژیمینی مطلق دیکتاتور اته‌یدیلر. اولر گه کوره، دیکتاتور و توتالیتر رژیملر حزب‌لر نینگ فعالیتی و اهالیسی اېسته‌گیدن قورقه‌دیلر.
سیاسی آقیملر نینگ اوشبو اعضاسی خوفسیزلیک تهدیدلر طفیلی گزارشده آتی ذکر بولمسلیک شرطی بیلن ایتیشیچه، طالبان افغانستان نی بنیادگرا و تفکر «انسان‌ستیز» مرکزی گه اېلنتیرگن و برچه مسئله‌لرنی طالبانیسم نقطه‌ی نظریدن کوره‌دیلر. اولر نینگ ایتیشلریچه، سیاسی حزب‌لر برچه معمالر بیلن اهالی نینگ آوازی و مملکتده سیاسی طیف اېستکلرینی عکس اېتّیریش ده رولی بار.
عین‌حالده طالبان قولیگه سابق حکومت قولشیدن سۉنگ، اونلب سیاسی آقیم و اولر نینگ کلیدی اعضالری طالبان دن قورقیب افغانستان نی ترک اېتگنلر. سابق حکومت عدلیه وزیرلیگیده ۷۲ سیاسی حزب ثبت بولگن، حاضرگی کونده افغانستانده هېچ بیر حزب نینگ فعالیتی یوق و طالبان مملکتده سیاسی و مدنی فعالیت گه اصلا اېزین بیرمه‌یدیلر.
سیاسی ایش بیلرمان‌لردن بیرقطاری نینگ ایتیشلریچه، طالبانیسم کوپچیلیک اېلتی بولگن افغانستان اوچون جدی خوف دیر و طالبان نینگ تک‌قوم‌لیک، تک‌جنسیتی و مدنی ستیزلیک سیاست‌لری مملکت نی انقراض گه دوچ قیلیشی ممکن. بو گروه قریب اوچ ییل آلدین قدرت توزیلمه‌سیده برچه گه حصه بیریلیش گه دایر خلق‌ارا باسیملر و انسان حقلری نهادلری نینگ اېسته‌گی بیلن، برچه اېستکلرنی رد قیلیب و مملکتده اېتنیک، تیل و سیاسی تازه‌لشنی دوام بیرگنلر.
