طالبان تجارت وزیری و تورکمنستان رسمی‌لری «سوداگرلیک مناسبت‌لرنی کېنگه‌یتیریش» نی محاکمه قیلدیلر
طالبان صناعت و سوداگرلیک وزیرلیگی نینگ سرپرستی نورالدین عزیزی تورکمنستان تشقی ایشلر وزیری، وزیرلر شوراسی اۉرین باسری و نفت‌وگاز، صناعت و سوداگرلیک و تیمیر یول اداره‌لری مسووللری بیلن اۉچره‌شگن.
طالبان صناعت و سوداگرلیک وزیرلیگی ایکس صحیفه‌سیده یازیشیچه، بو اۉچره‌شوولر ۱۵ حوت، سه‌شنبه کونی عشق‌آباد ده بولیب اۉتگن.
مذکور وزیرلیک نینگ ایتیشیچه، اوشبو اۉچره‌شوولر ده «اقتصادیات، ترانزیت، لاجورد یولی و تجارت رواجی اوچون ایکّی مملکت نینگ ظرفیت‌لریدن قوللنیش» حقیده بحث اېتیلگن.
ایتیش کېره‌ک که طالبان صناعت و سوداگرلیک وزیرلیگی ۱۱ حوت، جمعه کون بو وزیرلیک نینگ هیآتی تورکمنستان گه سفر قیلگنیدن خبر بیرگن.
طالبان اوشبو سفر دن مقصد «افغان-تورکمن سوداگرلیک باغلنیشی» بیرینچی کنفرانسینی آچیش و قوشمه کورگزمه‌لر یولگه قوییش عنوان قیلگنلر.
تورکمنستان باشقه مملکتلر کبی طالبان رژیمینی تن آلگن بولمسه ده، بیراق بو گروه بیلن همکارلیگی گه دوام بیرماقده.
منطقه مملکتلر جمله دن تورکمنستان، روسیه، چین و ایران هردایم طالبان بیلن همکارلیک قیلیش اۉستیگه تاکید اېتگنلر.
