افغانستان جنوبیده نفت و گاز نرخلری‌نینگ آشیشی اهالینی خواطرگه سالماقده
۸صبح، کابل: محلی منبعلر‌نینگ اَیتیشیچه، افغانستان جنوبی حدودلریده نفت و گاز نرخی کېچه‌دن بېری آشگن و بو حالت اهالی آره‌سیده خواطر اویغاتگن.
منبعلر دوشنبه کونی، ۲ سنبله، ۸صبح گزېته‌سیگه بېرگن صحبتیده جنوبی حدودلر بازارلریده بیر لیتر نفت نرخی ۸۸ دن ۹۰ افغانیگچه یېتگنینی اَیتیشدی.
منبعلر‌نینگ سۉزلریگه کۉره، تخمیناً ایکّی یریم آی اوّل افغانستان بازارلریده بیر لیتر نفت نرخی ۵۷ افغانی بۉلگن.
اولر‌نینگ ایتیشیچه، یاقیلغی نرخی‌نینگ آشیشی بازارلرده آزیق-آوقت محصولاتلری و باشقه تاورلر نرخی‌نینگ هم کۉتریلیشیگه سبب بۉلگن.
منبعلر، شونینگدېک، یۉلاوچی و یوک تشووچی موترلر یۉل حقی‌نینگ آشیشی تاورلر نرخی‌نینگ کۉتریلیشیگه سبب بۉلگنینی قۉشیمچه قیلیشدی.
حاضرگچه طالبان افغانستانده نفت و گاز نرخی‌نینگ آشیشی سببی حقیده هېچ قنده‌ی ایضاح بېرمه‌گن.
