ایسّیق حدودلرده ینگی اۉقوو ییلی‌نینگ باشلنیشی؛ اهالی قیزلر مکتبلری آچیلیشینی طلب قیلماقده
۸صبح، قندهار: مملکت‌نینگ ایسّیق اقلیملی حدودلریده ینگی اۉقوو ییلی‌نینگ باشلنیش وقتی یقینلشر اېکن، اهالی طالبان رهبری ملاهبت‌الله آخوندزاده دن آلتینچی صنفدن یوقاری صنفلرده هم قیزلر‌نینگ اۉقیشیگه رخصت بېریشینی سۉره‌دی.
شنبه، ۱۴-سنبله کونی مملکت‌نینگ ایسّیق اقلیملی حدودلریده ینگی اۉقوو ییلی‌نینگ باشلنیش مدتی یقینلشر اېکن، بیر گروه اهالی اجتماعی ترماقلرده طالباندن اېرته‌گه اۉغیل باله‌لر قطاری آلتینچی صنفدن یوقاری صنفلرده اۉقیدیگن قیزلر‌نینگ هم مکتبگه باریشیگه رخصت بېریشنی سۉره‌دی.
اهالی‌نینگ بو طلبی قندهار ولایتی تعلیم باشقرمه‌سی‌نینگ آدملردن فرزندلرینی مکتبگه یوباریش حقیدگی مراجعتیگه مناسبت صفتیده ایلگری سوریلگن.
اولر طالبان رهبریدن آلتینچی صنفدن یوقاری قیزلر‌نینگ تعلیم آلیشیگه قۉییلگن تقیقنی بېکار قیلیشنی اېرته‌دناق قندهاردن باشلشنی سۉره‌گن.
شونینگدېک، بو آدملر طالبان رهبریدن خلققه رحم قیلیشنی و ینگی اۉقوو ییلیده قیزلرگه تعلیم آلیشگه رخصت بېریشنی سۉره‌گن.
بو حالت طالبان حاکمیتنی قَیته اېگه‌لله‌گنیدن سۉنگ آلتینچی صنفدن یوقاری صنفلرده اۉقیدیگن قیزلر و عیاللر تعلیم آلیش، تحصیلنی دوام اېتتیریش، ایشلش همده اېرکک همراهیسیز سفر قیلیشدن محروم اېتیلگن بیر پیتده یوز بېرماقده.
