طالبان: اۉتگن آی تېمیر یۉللری آرقه‌لی ۷۰۴ مینگ متریک تُن یوک تشیلگنی حقیده خبر بېردی
۸صبح، کابل: طالبان‌نینگ فواید عامه وزیرلیگی اۉتگن قویاش آیی‌ده تېمیر یۉللری آرقه‌لی ۷۰۴ مینگ ۳۰۰ متریک تُن یوک تشیلگنینی اعلان قیلگن.
طالبان نظارتیده‌گی باختر شنبه کونی خبر بېریشیچه، بو حقده طالبان‌نینگ فواید عامه وزیرلیگی بیاناتیده معلوم قیلینگن.
حساباتگه کۉره، اۉتگن آی حیرتان آرقه‌لی ۴۶۴ مینگ ۷۶۷ تُن، آقینه آرقه‌لی ۳۹ مینگ ۸۳۱ تُن، تورغندی آرقه‌لی ۶۲ مینگ ۱۵ تُن و خواف-هرات تېمیر یۉلی آرقه‌لی ۱۳۷ مینگ ۶۸۷ تُن نفت محصولاتلری، نفت بۉلمه‌گن محصولاتلر و باشقه ماتریاللر آلیب کیریلگن و آلیب چیقیلگن.
شونینگدېک، طالبان‌نینگ اوشبو وزیرلیگی تېمیر یۉللر آرقه‌لی عملگه آشیریلگن یوک تشیشلر‌نینگ بیر قِسمی چېت‌اېلگه یوباریلگن تاورلر بۉلگنینی اَیتگن.
بو شوندی بیرحالده دیر که طالبان‌نینگ حاکمیتگه قَیته کېلیشی بیلن پاکستان بیلن سودا جریانی تۉخته‌گن و خلق اوچون ضرور بۉلگن اساسی تاورلر نرخی کېسکین آشگن.
