طالبان افغانستان و قزاقستان خصوصی سکتورلری اۉرتهسیده ۲۵ ته شرطنامه امضالنگنی حقیده خبر بېردی
۸صبح، کابل: طالبان افغانستان و قزاقستان خصوصی سکتورلری اۉرتهسیده سودا-ساتیق ساحهلریده ۲۵ ته همکارلیک شرطنامهسی امضالنگنینی معلوم قیلدی.
طالبان صناعت و سودا وزیرلیگی، یکشنبه کونی، ۳۱ جوزا، ایکس صحیفهسیده اوشبو شرطنامهلر دارو-درمان، بوغدای، اون، یاغ آلیب کېلینیشی و بانک همکارلیگی ساحهلریده امضالنگنینی یازگن.
خبرگه کۉره، اوشبو شرطنامهلر کابلده اۉتکزیلگن «افغان–قزاق تۉپلمی» نتیجهسیده امضالنگن.
طالبان اۉتگن کون قزاقستان هیاتینینگ کابلگه کېلگنی حقیده خبر بېرگن اېدی.
پاکستان بیلن ترنگلیکلر آرتیدن طالبان گروهی مرکزی آسیا دولتلری بیلن مناسبتلرنی ینهده کېنگهیتیریشگه کۉپراق اینتیلماقده.
