طالبان دایکندی‌ده قیمتی ۱۲ میلیون افغانیدن آرتیق بۉلگن ترقیات لایحه‌لری یکونلنگنینی معلوم قیلدی
۸صبح، کابل: طالبان‌نینگ قیشلاقلرنی تیکلش و رواجلنتیریش وزیرلیگی دایکندی ولایتیده قیمتی ۱۲،۶ میلیون افغانیدن آرتیق بۉلگن بیر نېچه ته ترقیات لایحه‌لری ایشلری یکونلنیب، فایده‌لنیشگه تاپشیریلگنینی معلوم قیلدی.
طالبان نظارتیده‌گی باختر اخبارات آژانسی، یک‌شنبه کونی، ۱-سنبله، خبر بېرییشیچه، اوشبو لایحه‌لر دایکندی ولایتی‌نینگ پاتو، سنگ‌تخت و بندر اولسواللیکلریده عملگه آشیریلگن.
حساباتگه کۉره، یکونلنگن لایحه‌لر سکّیز کیلومتر یۉل قوریلیشی، بیرته سوغاریش کانالینی تازه‌لش، ۱۵۰ متر تیه‌نچ دېوار و بیرته کیچیک کۉپریک قوریلیشینی اۉز ایچیگه آله‌دی.
بو حالتده، طالبان سۉنگگی بېش ییل دوامیده تورلی ترقیات لایحه‌لری عملگه آشیریلگنی حقیده خبر بېرگن، بیراق مملکتده‌گی اَیریم اهالی اوشبو لایحه‌لر خلق‌نینگ اساسی معمالرینی حل قیله آلمه‌گنینی اَیتماقده.
شو بیلن بیرگه، محلی منبعلر اَیتیشیچه، بیر نېچه آی آلدین طالبان تامانیدن قَیته ترمیملنگن کابل-قندهار عمومی قتناو یۉلی‌نینگ بیر قِسمی ینه ویران بۉلگن.
منبعلر قۉشیمچه قیلیشیچه، عمومی قتناو یۉلی‌نینگ اوشبو قِسمی ینه بوزیلگنی طالبان تامانیدن قَیته تیکلنگن لایحه‌لر‌نینگ صفتی و چیدملیلیگی باره‌سیده خواطرلرنی کېلتیریب چیقرگن.
