طالبان ایران دن افغان قاچقینلر نینگ چیقریلیشی توخته‌تیلیشینی طلب قیلدی
۸صبح، کابل: طالبان باش وزیری نینگ اقتصادی اۉرین باسری ملا عبدالغنی برادر، کابل ده ایران جمهور باشلیغی نینگ خاص وکیلی و ایلچیسی حسن کاظمی قمی بیلن اوچره‌شووده، اوشبو مملکتده افغانستان‌لیک قاچقینلر نینگ جبری چیقریلیش جریانی توخته‌تیلیشینی سۉره‌گن.
ملا برادر ۶ ثور، پنج‌شنبه کونی اوشبو مملکتدن قاچقینلر چیقریلیشی خصوصیده طالبان و ایران آره‌سیده «یخشی هماهنگ‌لیک» بولیشی گه تاکیدله‌گن.
سۉنگی کونلرده ایران دن افغانستان‌لیک ناقانونی قاچقینلر مثلی کوریلمه‌گن درجه ده چیقریلماقده.
ایران رسمی‌لری ۱۴۰۳ ینگی ییلدن سۉنگ، بو مملکتدن ناقانونی قاچقینلر نینگ جبری چیقریلیشی اوچ برابر کوپه‌یشینی اعلام قیلگن اېدیلر.
ایتیش کېره‌ک که ایران افغانستان‌نی اقتصادی و خوفسیزلیک قیینچلیکلر طفیلی ترک اېتگن میلیون‌لب قاچقین میزبانی دیر.
اوشبو قاچقینلردن بیرقطاری طالبان افغانستانده قدرت نی آلیشیدن سۉنگ کمبغل‌لیک و ایش‌سیزلیک باعث ایران گه مهاجر بولگنلر.
