طالبان سۉنگگی بیر ییل ایچیده قریب یوز مینگ نفر سرطان کسللیگی بیلن رۉیخطگه آلینگن بېمارلر حقیده معلوم قیلدی
۸صبح، کابل: طالبان سۉزلاوچیسی ذبیح الله مجاهد کابلده اۉتکزیلگن مطبوعات انجمنیده سۉنگگی بیر ییل ایچیده ۹۹ مینگ‌دن آرتیق سرطان کسللیگیگه چه‌لینگن بېمار دوالنیش اوچون شفاخانه‌لرگه مراجعت قیلگنینی دعوا قیلدی.
طالبان‌نینگ اخبارات و مېدیالر مرکزی چهارشنبه کونی، ۱۸-سنبله، اوشبو گروه مطبوعات کاتبی‌نینگ ساغلیقنی سقلش خدمتلری، اطراف-محیط و سپورت مساله‌لریگه بغیشلنگن مطبوعات انجمنی حقیده حسابات اعلان قیلدی.
طالبان حساباتیگه کۉره، اوشبو گروه سۉزلاوچیسی سۉنگگی بیر ییل ایچیده شونچه سرطان کسللیگیگه چه‌لینگن بېمار دوالنیش اوچون شفاخانه‌لرگه مراجعت قیلگنی و دوالنگنینی دعوا قیلگن.
او، شونینگدېک، اوشبو دور مابینیده کابلده سرطان کسللیکلرینی تشخیصلش و دوالشگه مۉلجللنگن ۲۰۰ ا‌ۉرینلی شفاخانه هم فعالیتینی باشله‌گنینی دعوا قیلگن.
مجاهد‌نینگ دعواسیگه کۉره، بلخ، هرات، ننگرهار و قندهارده‌گی حدودی شفاخانه‌لرده هم سرطاننی دوالش بۉلیملری فعالیت باشله‌گن.
عینی پیتده، مملکتده سرطان کسللیکلرینی دوالش امکانیتلری یۉقلیگی سببلی هر ییلی مینگلب آدم دوالنیش اوچون پاکستانگه بارردی. بیراق طالبان بیلن مناسبتلر‌نینگ یامانلشووی آرتیدن اوشبو مملکت چېگره‌سی‌نینگ یاپیلیشی بو بېمارلر‌نینگ معمالرینی ینه‌ده کوچه‌یتیردی.
