طالبان بلخ ولایتیده قریب ۲۵۰ جریب یېرنی اېگه‌للب آلدی
۸صبح، کابل: طالبان عدلیه وزیرلیگی بلخ ولایتیده قریب ۲۵۰ جریب یېرنی اۉز تصرفیگه آلگنینی معلوم قیلدی.
اوشبو وزیرلیک شنبه کونی، ۱۸-مېزان اعلان قیلگن بیاناتیده اوشبو یېرلر بلخ ولایتی مرکزی مزارشریف شهری‌نینگ سکّیزینچی حدودیگه قره‌شلی حدودده جایلشگن «حاجی عبدالباقی و حاجی اسماعیل فارملری»نی اۉز ایچیگه آلیشینی بیلدیرگن.
بیاناتگه کۉره، اوشبو یېرلرگه عاید حجتلر «شمالی منطقه‌ده‌گی دولتگه قره‌شلی اېگه‌للب آلینگن یېرلر بیلن باغلیق ایشلرنی کۉریب چیقووچی مخصوص محکمه»ده تېکشیریلگن.
طالبان افغانستانده حاکمیتنی قَیته اېگه‌لله‌گنیدن سۉنگ کۉپلب یېرلر و شهرچه‌لر اوستیدن نظارتنی قۉلگه آلگن همده بو حدودلر «امیرلیک»که تېگیشلی اېکنینی دعوا قیلیب کېلماقده.
