۱۱ ولایتده عیاللر آنلاین بیلیم یورتی طلبهلرینینگ اوچینچی دور بیتیروو مراسمی نشانلندی
۸صبح، کابل: عیاللر آنلاین بیلیم یورتی طلبهلرینینگ اوچینچی دور بیتیروو مراسمی بیر وقتنینگ اۉزیده مملکتنینگ ۱۱ ولایتیده، آفلاین طرزده نشانلندی.
شنبه کونی، ۱۴-سنبله، مملکتنینگ تورلی حدودلریده اۉتکزیلگن اوشبو مراسملرده طلبهلر و اولرنینگ عایلهلری اشتراک اېتدی.
بو سفر تعلیمنی دوام اېتتیریش اوچون عیاللر آنلاین بیلیم یورتیگه باسقیچمه-باسقیچ قۉشیلگن ۹۴ نفر طلبهنینگ بیتیروو مراسمی نشانلندی.
اوشبو طلبهلر دوالش طبیاتی، اقتصاد، ژورنالیزم، حقوق، روانشناسلیک، تیل و ادبیات، تعلیم و تربیه، اېکینچیلیک همده شریعت یۉنهلیشلرینی تماملهگن.
بو حالت عیاللر آنلاین بلیم یورتی تۉرت ییل اوّل، قیزلر اوچون بیلیم یورتی اېشیکلری یاپیلگنیدن سۉنگ، تعلیمدن چېتده قالگن قیزلرنی قۉللب-قوّتلش مقصدیده تشکیل اېتیلگن بیر پیتده یوز بېرماقده.
شونگه قرهمهی، مذکور بیلیم یورتی حاضرده مینگ نفردن آرتیق پروفیسور-اۉقیتووچینینگ همکارلیگی و کۉنگیللی روشده درس بېریشی آرقهلی ۱۶ ته تعلیم یۉنهلیشیده ۲۰ مینگدن آرتیق قیز طلبهنینگ بېپول تعلیمینی دوام اېتتیریش امکانیتینی تأمینلب کېلماقده.
