جنک‌اونال و مولوی محمد یعقوب «ایکّی تامانلمه و منطقه‌ای اۉزگریشلرنی» محاکمه قیلگن
۸صبح، کابل: تورکیه‌نینگ کابلده‌گی اېلچیسی جنک اونال طالبان مدافعه وزیرلیگی سرپرستی مولوی محمد یعقوب مجاهد بیلن «ایکّی تامانلمه علاقه و منطقه‌ای اۉزگریشلر»نی محاکمه قیلگن.
تورکیه‌نینگ کابلده‌گی اېلچیخانه‌سی ایکس اجتماعی ترماغیده یازیشیچه، اوچره‌شوو ۲۳-عقرب سه‌شنبه کونی کابل‌ده بۉلیب اۉتگن دېب معلوم قیلگن.
تورکیه‌نینگ کابلده‌گی اېلچیخانه‌سی بو اوچره‌شوونی «فایده‌لی» بهالب ایکّی تامانلمه علاقه و منطقه‌ای رواجله‌نیشلر بو اوچره‌شووده تېکشیریلگن دېگن.
دنیانینگ باشقه مملکتلری کبی رسمی انقره طالبلرنی هلیگچه رسمیتگه تانیمه‌گن بۉلسه – ده، لېکن بو گروه بیلن یقین علاقه‌ده بۉلیب کېلگن دولتلردن سنه‌له‌دی.
باشقه تاماندن نیچه وقتدن بېری طالبلرنینگ بلند مرتبه‌لی رسمیلری‌نینگ تورکیه‌گه سفری کۉپه‌یگن.
نشر بۉلگن گزارشلرده سۉنگی آیلرده مرکز بانک رییسی ملا هدیت‌الله بدری، باش وزیرنینگ اقتصاد اۉرین باسری ملا عبدالغنی برادر وطالبان تشقی ایشلر وزیرلیگی سرپرستی امیرخان متقی تورکیه‌گه سفر قیلیب اومملکت بلند مرتبه‌لی رسمیلری بیلن اوچره‌شگن اېدیلر.
