بمت افغانستان‌نینگ بیر نېچه ولایتیده ۳۰ مینگ توپ کۉچت اېکیش دستورینی اعلان قیلدی
۸صبح، کابل: بیرلشگن ملتلر تشکیلاتی‌نینگ ترقیات دستوری (UNDP) افغانستان‌نینگ بیر نېچه ولایتیده ۳۰ مینگ توپ کۉچت اېکیشنی رېجه‌لشتیره‌یاتگنینی معلوم قیلدی.
اوشبو تشکیلات یکشنبه کونی، ۱۰ عقرب، اعلان قیلیشیچه، مذکور لایحه اقتصادیاتنی تیکلش دستوری‌نینگ ایکّینچی باسقیچی دایره‌سیده عملگه آشیریله‌دی.
بمت ترقیات دستوری اوشبو لایحه افغانستانده ایش ا‌ۉرینلرینی یره‌تیش، محلی جماعه‌لر‌نینگ تیریکچیلیک منبعلرینی قۉللب-قوّتلش و اطراف-محیطنی قَیته تیکلشگه یاردم بېریشینی قۉشیمچه قیلگن.
اقتصادیاتنی تیکلش دستوری‌نینگ ایکّینچی باسقیچی ضعیف قتلملرگه منسوب انسانلر اوچون فوق العاده یاردم کۉرسه‌تیش، ایش ا‌ۉرینلرینی یره‌تیش و مهم آست-قورمه‌‌لرنی برپا اېتیشگه قره‌تیلگن.
