تورکیه بمتده‌گی سابق اېلچیسینی اوشبو تشکیلات باش کاتبلیگی لوازمیگه نامزاد قیلدی
تورکیه اوشبو مملکت‌نینگ سابق تشقی ایشلر وزیری و اروپاده خوفسیزلیک و همکارلیک تشکیلاتی‌نینگ عملده‌گی باش کاتبی فریدون سینیرلی‌اۉغلونی بیرلشگن ملتلر تشکیلاتی باش کاتبلیگی لوازمیگه نامزاد قیلیب کۉرسه‌تدی.
آنادولو اخبارات آژانسی، یک‌شنبه کونی، ۱ نوامبر، خبر بېریشیچه، سینیرلی‌اۉغلو‌نینگ نامزادی تۉغریسیده‌گی مکتوب جمعه کونی بیرلشگن ملتلر تشکیلاتی باش مجمع‌سی و خوفسیزلیک کېنگشی رئیسلریگه تاپشیریلگن.
سینیرلی‌اۉغلو ۲۰۱۵-ییل اگوستیدن نوامبریگچه تورکیه تشقی ایشلر وزیری لوازمیده فعالیت یوریتگن. شونینگدېک، او ۲۰۱۶-ییلدن ۲۰۲۳-ییلگچه تورکیه‌نینگ بمتده‌گی دایمی وکیلی بۉلگن.
اونینگ نامزادی بمت خوفسیزلیک کېنگشیده جمعه کونی اۉتکزیلگن سۉنگگی آواز بېریش جریانی انیق نتیجه‌سیز یکونلنگن و ینگی باش کاتبنی سیلش جریانی همان ناانیقلیگیچه قاله‌یاتگن بیر پیتده ایلگری سوریلدی.
بمت‌نینگ عملده‌گی باش کاتبی آنتونیو گوترش‌نینگ وکالت مدتی ۳۱-دسمبر کونی یکونلنه‌دی.
