بیرلشگن عرب امیرلیکلری یقین ۳ مینگ نفر قَیتیب کېلگن افغان اوچون اوی قوره‌دی
بیرلشگن عرب امیرلیکلری یاردم آژانسی بیرلشگن ملتلر تشکیلاتی‌نینگ قچاقلر ایشلری بۉییچه عالی کمیسارلیگی (UNHCR) بیلن ۳ میلیون دالر قیمتیگه کېلیشوو امضالدی. بو توافق‌نامه وطنگه قیتگن ۳ مینگ‌گه یقین افغان اوچون اویلر قوریش مقصدینی کۉزده توته‌دی.
بیرلشگن عرب امیرلیکلری اخبارات آژانسی (وام) دوشنبه کونی، ۴ عقرب خبر بېریشیچه، اوشبو کېلیشوو ۲ مینگ ۹۵۰ نفر افغان اوچون دایمی اوی-جایلر قوریلیشی خرجتلرینی قاپله‌یدی.
اوشبو اویلر کابل، هرات و قندوز ولایتلریده قوریله‌دی همده اقلیم اۉزگریشلریگه چیدملی بۉله‌دی.
اوشبو کېلیشوو ۲۱ و ۲۲-اکتوبر کونلری جېنوا‌ده بۉلیب اۉتگن « AidEx ۲۰۲۶» انسانپرورلیک یاردم و طبیعی آفتلرگه قرشی کوره‌ش بۉییچه انجمن دایره‌سیده اعلان قیلینگن.
اوشبو لایحه‌‌نینگ مقصدی افغانستانگه قَیتگنلر اوچون برقرار باش‌پناه بیلن تأمینلش و اولر‌نینگ حیاتینی قَیته تیکلشگه یاردم بېریشدن عبارت اېکنی اَیتیلگن.
اوشبو دستور، اینیقسه، حمایه‌گه محتاج عیاللر و باله‌لرنی قۉللب-قوّتلشگه قره‌تیلگن.
بیرلشگن عرب امیرلیکلری‌نینگ یاردم آژانسی معلوم قیلیشیچه، اوشبو لایحه انسانپرورلیک انقراضلردن ضرر کۉرگنلرنی قۉللب-قوّتلش و کۉچیریلگنلر اوچون برقرار یېچیملرنی تأمینلش مقصدیده عملگه آشیریله‌دی.
