بیرلشگن ملتلر تشکیلاتی: کابل شهری سۉنگگی بیر نېچه اۉن ییللیکده سېزیلرلی درجه‌ده کېنگه‌یدی
۸صبح، کابل: بیرلشگن ملتلر تشکیلاتی‌نینگ انسان منزلگاهلری دستوری (UN-Habitat) کابل شهری حدودی سۉنگگی بیر نېچه اۉن ییللیکده سېزیلرلی درجه‌ده کېنگه‌یگنینی معلوم قیلدی.
اوشبو تشکیلات سه‌شنبه کونی، ۵ عقرب جهان شهرلر کونی عرفه‌سیده اعلان قیلگن خبریده کابل شهری‌نینگ کېنگه‌ییشی شهرسازلیکنی یخشیراق رېجه‌لشتیریش و سرمایه کېریتیش‌لرگه بۉلگن احتیاجنی آشیرگنینی بیلدیردی.
بیرلشگن ملتلر تشکیلاتی‌نینگ انسان یشش جایلری دستوری یېترلی درجه‌ده قۉللب-قوّتلنسه، کابل میلیونلب انسانلر اوچون آباد و فراوان شهرگه ایلنیشی ممکنلیگینی قۉشیمچه قیلدی.
خلق‌ارا شهرلر کونی هر ییلی ۳۱-اکتوبرده نشانلنه‌دی. اونینگ مقصدی شهرلر‌نینگ برقرار رواجلنیشی بیلین باغلیق معمالر حقیده خبردارلیکنی آشیریشدن عبارت.
