متحد جبههسی قندهار شهریده طالبانگه هجوم قیلگنینی دعوا قیلدی
۸صبح، قندهار: افغانستان متحد جبههسی قندهار شهریده هجوم اویوشتیریب، طالباننینگ بیر جنگچیسینی اۉلدیرگنینی دعوا قیلدی.
مذکور جبهه چهارشنبه کونی، ۱۸-سنبله، کېچقورون ایکس صحیفهسیده قندهارده «طالبان پولیسی»نینگ بیر اعضاسینی اۉلدیرگنینی یازگن.
اوشبو جبهه دعواسیگه کۉره، بو عملیات قندهار شهرینینگ ۱۵-حدودیده عملگه آشیریلگن.
بیرلشگن جبهه اوشبو طالب تاولمچیلیک، اۉزباشیمچهلیک بیلن حبسگه آلیش و اهالیگه ظلم قیلیشده اشتراک اېتگنینی تأکیدلهگن.
بو حالت آزادلیک جبههسی هم یقینده کنر ولایتیده طالبان کوچلرینینگ تۉپلنیش جاییگه هجوم قیلگنینی معلوم قیلگن بیر پیتگه تۉغری کېلماقده.
شونگه قرهمهی، بیرلشگن جبهه بیر نېچه هفتهدن بېری قندهار ولایتیده طالبانگه قرشی بیر نېچه هجوم اویوشتیرگنینی دعوا قیلیب کېلماقده.
