افغانستان بیرلشگن جبهه‌سی قندهارده طالبانگه هجوم قیلگنینی دعوا قیلدی
۸صبح، قندهار: افغانستان بیرلشگن جبهه‌سی قندهار شهریده طالبانگه قرشی مقصدلی عملیات اۉتکزگنینی دعوا قیلدی.
اوشبو جبهه شنبه کونی، ۳۱ اسد، ایکس صحیفه‌سیده یازیشیچه، طالبانگه قرشی مقصدلی عملیاتی اۉتگن کون قندهار شهری‌نینگ آلتینچی حدودی دایره‌سیده عملگه آشیریلگن.
اوشبو جبهه‌نینگ دعواسیگه کۉره، مذکور نشانلی عملیات‌ده کمیده ایکّی نفر طالبان جنگچیسی اۉلدیریلگن.
بو آره‌ده، سۉنگگی هفته‌لرده مملکت‌نینگ تورلی حدودلریده طالبان گروهیگه قرشی هجوملر کۉپه‌یگن.
شو بیلن بیرگه، طالبان حاضرگچه بیرلشگن جبهه‌نینگ قندهار و هلمندده مقصدلی عملیات‌لر عملگه آشیریلگنی حقیده‌گی دعوالری یوزه‌سیدن سکوت سقلب کېلماقده.
