بیرلشگن ملتلر تشکیلاتی قندوز و بغلان ولایتلریدهگی ۸۰۰ کیشی قَیتیب کېلووچیگه یاردم بېریلگنینی معلوم قیلدی
۸صبح، کابل: بیرلشگن ملتلر تشکیلاتینینگ انسان مسکنلری دستوری (UN-Habitat) قندوز و بغلان ولایتلریدهگی ۸۰۰ کیشی قَیتیب کېلووچیگه باشپناهلرینی ترمیملش و یخشیلش بۉییچه یاردم بېریشینی معلوم قیلدی.
اوشبو تشکیلات سهشنبه کونی، ۳۱ سنبله، ایکس صحیفهسیده یازیشیچه، مذکور دستور افغانستان اوچون مخصوص ایشانچ جمغرمهسی (STFA) یاردمیده عملگه آشیریلهدی.
بیرلشگن ملتلر تشکیلاتینینگ انسان مسکنلری دستوری قَیتیب کېلگن عایلهلرگه مناسب باشپناه زودلیک بیلن ضرورلیگینی و اوشبو دستور احتیاجمندلرنینگ اویلرینی قَیته تیکلشگه یاردم بېریش مقصدیده عملگه آشیریلهیاتگنینی بیلدیرگن.
بیرلشگن ملتلر تشکیلاتی معلوم قیلیشیچه، اوشبو دستور باشلنگنیگه قرهمهی، قَیتیب کېلووچیلر اوچون باشپناهگه بۉلگن احتیاج همان کېنگ کۉلمده بۉلیب، کۉپلب عایلهلر اویلرینی قَیته تیکلش اوچون یاردمگه محتاج.
بو حالت افغانستانلیکلرنینگ قۉشنی دولتلردن کېنگ کۉلمده قَیتیشی مېزبان حدودلرگه کتّه باسیم اۉتکزهیاتگن بیر پیتگه تۉغری کېلماقده.
طالبان هم اوّلراق جاری ییلنینگ دستلبکی آلتی آییده ۶۱۷ مینگدن آرتیق کیشی ایران و پاکستاندن مملکتگه قَیتیب کېلگنینی معلوم قیلگن اېدی.
