بیرلشگن ملتلر تشکیلاتی باش مجمعسینینگ افغانستاندهگی عیاللر و قیزلر وضعیتیگه بغیشلنگن یان ییغیلیشی بۉلیب اۉتدی
۸صبح، کابل: ایرلند تشقی ایشلر وزیری هلن مکانتی، بیرلشگن ملتلر تشکیلاتی باش مجمعسینینگ ۸۱-ییغیلیشی دایرهسیده افغانستاندهگی عیاللر و قیزلر وضعیتیگه بغیشلنگن ییغیلیشده سۉزگه چیقیب، خلقارا همجمعیتینی بو مملکتده عیاللر و قیزلرنینگ حقوقلری حالتیگه اعتبارنی دوام اېتتیریشگه چقیردی.
ایرلندنینگ بیرلشگن ملتلر تشکیلاتیدهگی وکالتخانهسی سهشنبه کونی، ۳۱ سنبله، ایکس صحیفهسیده یازیشیچه، اوشبو ییغیلیشدن مقصد افغانستانده عیاللر و قیزلر حقوقلرینینگ حالتینی یاریتیش و کون ترتیبیده سقلب قالیش بۉلگن.
ییغیلیشده نوبل مکافاتی ساورینداری ملاله یوسفزی، بیرلشگن ملتلر تشکیلاتینینگ انسان حقوقلری بۉییچه عالی کمیساری ولکر تورک، عیاللر حقوقلری فعالی گیسو یاری، انسان حقوقلری فعالی میترا مهران و سابق دیپلومات اصیله وردک اشتراک اېتگن.
اوشبو وکالتخانه معلوماتیگه کۉره، ییغیلیشده افغانستان بۉییچه خلقارا همکارلیک و ملاقاتلر انسان حقوقلری تمایللریگه اساسلنیشی ضرورلیگیگه اورغو بېریلگن.
ییغیلیشده افغانستان عیاللری و قیزلری حقوقلرینی قۉللب-قوّتلشنی دوام اېتتیریش بۉییچه یۉل-یۉریقلر هم محاکمه قیلینگن.
مذکور تشکیلات ییغیلیشنی اۉتکزیش و باشقریشده همکارلیک قیلگنی اوچون ملاله جمغرمهسی، بیرلشگن ملتلر تشکیلاتینینگ همکارلیک ادارهسی و بیبیسی ژورنالیسیگه هم منّتدارلیک بیلدیرگن.
