بیرلشگن ملتلر تشکیلاتینینگ عالی کمیسارلیگی قاچقینلر حقوقلرینی قۉللب-قوّتلشگه چقیردی
بیرلشگن ملتلر تشکیلاتینینگ قاچقینلر بۉییچه عالی کمیسارلیگی (UNHCR) قاچقینلرنینگ حقوقلری انسان حقوقلری اېکنینی و هر بیر انساننینگ حقوقلری حمایه قیلینیشی کېرهکلیگینی معلوم قیلدی.
اوشبو تشکیلات جمعه کونی، ۴-سپتمبرده، ایکس صحیفهسیده هېچ کیم قاچقین بۉلیشنی تنلهمسلیگینی، اما انسانلر همدردلیک و بیردملیکنی تنلشی ممکنلیگینی یازدی.
بیرلشگن ملتلر تشکیلاتینینگ قاچقینلر بۉییچه عالی کمیسارلیگی هر بیر انسانگه تېگیشلی بۉلگن حقوقلر، جملهدن، قاچقینلرنینگ حقوقلرینی حمایه قیلیشگه اورغو بېردی.
بو بیاناتلر کۉپلب قاچقینلر، جملهدن، افغانستان وطنداشلری مجبوری چیقریب یوباریش کبی کۉپلب معمالرگه دوچ کېلهیاتگن بیر پیتده ینگرهماقده.
بیرلشگن ملتلر تشکیلاتینینگ قاچقینلر بۉییچه عالی کمیسارلیگی بوندن اوّل هم اوچ ییلدن کمراق وقت ایچیده آلتی میلیون کیشی افغانستانگه قَیتریلگنینی معلوم قیلگن اېدی.
اوشبو تشکیلات، شونینگدېک، افغانستان وطنداشلرینینگ بوندهی مقیاسده قَیتیشی زمانهوی تاریخده مثلی کۉریلمهگن حالت اېکنینی اَیتگن.
