بیرلشگن ملتلر تشکیلاتی مالیوی منبعلردن فایده‌لنه آلمسلیکنی افغانستانده بیزنس یوریتیشده‌گی اساسی تۉسیقلردن بیری دېب اته‌دی
۸صبح، کابل: بیرلشگن ملتلر تشکیلاتی‌نینگ ترقیات دستوری (UNDP) مالیوی منبعلردن فایده‌لنه آلمسلیک افغانستانده بیزنسلر آلدیده تورگن اساسی تۉسیقلردن بیری اېکنینی اَیتدی.
اوشبو تشکیلات پنج‌شنبه کونی، ۱۲-سنبله ایکس صحیفه‌سیده افغانستاندهگی بیزنسلرگه یاردم بېریش اوچون کریدیت کفالتی رېجه‌سینی قۉللب-قوّتلشینی یازگن.
بیرلشگن ملتلر تشکیلاتی‌نینگ ترقیات دستوری بمت سرمایه کېریتیش‌لرنی رواجلنتیریش جمغرمه‌سی و افغانستان کریدیت کفالتی جمغرمه‌سی یاردمیده ۲۰۲۴-ییلدن بویان کریدیت بېرووچیلرگه کیچیک بیزنسلرگه کریدیت اجره‌تیشده یاردم بېریب کېله‌یاتگنینی اَیتگن.
بیرلشگن ملتلر تشکیلاتی قید اېتیشیچه، تیلگه آلینگن تشکیلاتلر بیلن همکارلیکده حاضرگچه کیچیک و اۉرته کمپنیلرگه ۲۳ مینگ ۷۰۰ ته کریدیت اجره‌تیلگن و ۷۱ میلیون دالردن آرتیق خصوصی سرمایه سفربر قیلینگن.
بو حالت طالبان‌نینگ قَیته حاکمیتگه کېلیشی بیلن اونینگ سیاستی، شونینگدېک، عیاللرگه نسبتاً کېنگ کۉلملی چېکلاولر جاری اېتیلگنی سببلی افغانستان اقتصادیاتی جدّی ضرر کۉرگن بیر پیتگه تۉغری کېلماقده.
