بیرلشگن ملتلر تشکیلاتی اهالی جمغرمه‌سی و جاپان افغانستانده قابله‌لیکنی کوچه‌یتیریش مساله‌سیده مذاکره اۉتکزدی
۸صبح، کابل: بیرلشگن ملتلر تشکیلاتی‌نینگ اهالی جمغرمه‌سی (UNFPA) و جاپان خلق‌ارا همکارلیک اگېنتلیگی (JICA)افغانستانده دایه‌لیک/قابله‌لیک ساحه‌سینی کوچه‌یتیریش مساله‌سیده اوچره‌شیب، مذاکره اۉتکزدی.
جمغرمه چهارشنبه، ۱۸-سنبله کونی ایکس صحیفه‌سیده معلوم قیلیشیچه، اوچره‌شووده ایکّی تشکیلات مملکت بۉیلب آنه‌لر سلامتلیگیگه بۉلگن احتیاجلرنی قاندیریش و حامله‌دارلیک دوریده‌گی ساغلیق خدمتلرینی یخشیلشگه اورغو بېرگن.
اولر عیاللر و قیزلر اوچون صفتلی طبی خدمتلرنی قۉللب-قوّتلش همده دایه‌لیک/قابله‌لیک ساحه‌سی صلاحیتینی کوچه‌یتیریشنی همکارلیک‌نینگ اساسی یۉنه‌لیشلری صفتیده قید اېتگن.
ایکّی تشکیلات، شونینگدېک، عایله‌لر‌نینگ طبی خدمتلردن فایده‌لنیش امکانیتلرینی یخشیلشگه اورغو بېرگن.
مذکور مذاکره افغانستانده عیاللر و عایله‌لر‌نینگ صفتلی طبی خدمتلردن فایده‌لنیش امکانیتی همان قطار معمالرگه دوچ کېله‌یاتگن بیر پیتده اۉتکزیلدی.
