بیرلشگن ملتلر تشکیلاتی ایتالیا یاردمی ننگرهار و لغمانده ۶۸ مینگ‌دن آرتیق کیشی‌نینگ ساغلیق خدمتلردن فایده‌لنیش امکانیگه اېگه بۉلگنینی معلوم قیلدی
۸صبح، کابل: جهان ساغلیقنی سقلش تشکیلاتی (WHO) ایتالیا حکومتی مالیوی یاردمی بیلن ننگرهار و لغمان ولایتلریده‌گی مینگلب عایله‌لر باشلنغیچ و ضرور ساغلیق خدمتلردن فایده‌لنیش امکانیگه اېگه بۉلگنینی معلوم قیلدی.
اوشبو تشکیلات سه‌شنبه کونی، ۳۱ سنبله، خبر بېریشیچه، ۲۰۲۶-ییل سپتمبر آییگچه جمعی ۶۸ مینگ ۲۶۳ کیشی، جمله‌دن، قَیتیب کېلگنلر، اوشبو مالیوی یاردم آرقه‌لی ساغلیق خدمتلردن فایده‌لنیش امکانیگه اېگه بۉلگن.
حساباتگه کۉره، کۉرسه‌تیلگن خدمتلر آنه‌لر و باله‌لرگه ساغلیق یاردم کۉرسه‌تیش، اېملش، آزیقلنیش، روحی سلامتلیک خدمتلری و دوالشنی اۉز ایچیگه آلگن.
بیرلشگن ملتلر تشکیلاتی اوشبو دستور، اینیقسه، اوزاق مصافه، یۉل خرجتلری و یۉللر‌نینگ آغیرلیگی سببلی ساغلیق مرکزلریگه باریشده قیینچیلیکلرگه دوچ کېله‌یاتگن عایله‌لر اوچون مهم اېکنینی بیلدیرگن.
جهان ساغلیقنی سقلش تشکیلاتی ایتالیا حکومتی‌نینگ یاردمی اوشبو ایکّی ولایتده‌گی ضعیف جماعه‌لرگه باشلنغیچ ساغلیق خدمتلرنی تقدیم اېتیشگه یاردم بېرگنینی قۉشیمچه قیلگن.
