بیرلشگن ملتلر تشکیلاتی بغلان ولایتیده طبیعی آفتلردن حمایه‌لنیش لایحه‌لری عملگه آشیریله‌یاتگنی حقیده معلومات بېردی
۸صبح، کابل: بیرلشگن ملتلر تشکیلاتی‌نینگ ترقیات دستوری (UNDP) افغانستانده طبیعی آفتلر خوفینی کمه‌یتیریش خلق‌ارا کونی مناسبتی بیلن بغلان ولایتیده اهالی اویلری، اېکینچیلیک یېرلری و تیریکچیلیک منبعلرینی طبیعی آفتلردن حمایه قیلیش باره‌سیده‌گی سعی-حرکتلر حقیده معلومات بېردی.
اوشبو تشکیلات سه‌شنبه کونی، ۲۱-میزان، ایکس صحیفه‌سیده یازیشیچه، ۲۰۲۴-ییلده بغلان ولایتیده یوز بېرگن ویرانکار سوو تاشقینلریدن سۉنگ، پایدار لایحه‌سی(PAIDAAR) آرقه‌لی سوو تاشقینلریدن حمایه قیلووچی آست-قورمه‌لرنی برپا اېتماقده.
حساباتگه کۉره، اوشبو لایحه افغانستان اوچون مخصوص امانی جمغرمه‌سی‌نینگ مالیوی یاردمیده عملگه آشیریلماقده. لایحه‌‌نینگ مقصدی سوو تاشقینلری خوفینی کمه‌یتیریش همده اهالی اویلری، اېکینچیلیک یېرلری و تیریکچیلیک منبعلرینی حمایه قیلیشدن عبارت.
تشکیلات طبیعی آفتلر خوفینی کمه‌یتیریش خلق‌ارا کونی مناسبتی بیلن فوق العاده حادثه‌لرگه تیّارگرلیک کۉریش و حمایه آست-قورمه‌لرینی یره‌تیش جمعیتلر‌نینگ طبیعی آفتلرگه برداشلیلیگینی آشیریش همده کېله‌جکده یوز بېریشی ممکن بۉلگن طبیعی آفتلر عاقبتیده یېتکزیله‌دیگن ضررنی کمه‌یتیریشده مهم رۉل اۉینه‌شینی تأکیدله‌دی.
