مصر و پاکستان تشقی ایشلر وزیرلری منطقوی مسأله‌لر یوزه‌سیدن مذاکره اۉتکزدی
مصر تشقی ایشلر وزیری بدر عبدالعاطی و پاکستان تشقی ایشلر وزیری محمد اسحاق دار، منطقوی مسأله‌لر بۉییچه تېلفون آرقه‌لی صحبتلشدی.
عبدالعاطی، چهارشنبه کونی، ۱۴ اکتوبر، ایکس صحیفه‌سیده یازیشیچه، تېلفون صحبتی چاغیده پاکستانلیک هم‌کسبی بیلن اۉزارا موافقلشتیریشنی کوچه‌یتیریش مسأله‌لرینی محاکمه قیلگن.
اونینگ اَیتیشیچه، صحبت دوامیده اسحاق دار بیلن منطقه‌ده‌گی کېسکینلیکنی کمه‌یتیریش یۉللری حقیده هم فکر المشگن.
مذکور صحبت اسلام همکارلیک تشکیلاتی تشقی ایشلر وزیرلری‌نینگ نوبتده‌گی ییغیلیشی عرفه‌سیده بۉلیب اۉتگن.
شو بیلن بیرگه، مصر و پاکستان ایران و امریکا اۉرته‌سیده واسطه‌چیلیک قیلیش، شونینگدېک، غزه‌ده‌گی وضعیت یوزه‌سیدن یقیندن همکارلیک قیلماقده.
