تورکمنستان: تاپی گازینی افغانستانگه یېتکزیب بېریش ۲۰۲۷-ییلدن باشلنهدی
۸صبح، کابل: تورکمنستاننینگ پاکستاندهگی اېلچیسی تاجان مولاموف، تاپی لایحهسینینگ سرحدآباد–هرات قِسمینی قوریش ایشلری جاری ییل آخریگچه یکونلنیشی کوتیلهیاتگنینی اَیتدی.
اۉزبېکستان عامهوی اخبارات واسطهلری سهشنبه کونی، ۳۱-سنبله، مولاموفگه تیهنیب خبر بېریشیچه، سرحدآباد–هرات، قِسمی یکونلنگچ، ۲۰۲۷-ییلده افغانستانگه طبیعی گاز یېتکزیب بېریشنی باشلش اوچون ضرور شرایطلر یرهتیلهدی.
تاجان مولاموف بو حقده لاهور سودا-صناعت اتاقی (LCCI) تامانیدن اسلامآبادده تشکیل اېتیلگن «اېلچیلر آقشامی ۲۰۲۶» تدبیریده معلوم قیلگن.
اونینگ اَیتیشیچه، تاپی لایحهسی و منطقهدهگی باشقه انرژی لایحهلرینینگ عملگه آشیریلیشی پاکستاننی برقرار انرژی بیلن تأمینلش همده صناعت و اقتصادی اۉسیش اوچون ینگی امکانیتلر یرهتیشگه یاردم بېریشی ممکن.
تورکمنستان اوشبو لایحهنی ینهده تازه انرژی بیلن ایشانچلی تأمینلش، بوتون منطقهده برقرار اقتصادی اۉسیشگه اېریشیش و منطقوی همکارلیکنی مستحکملشنینگ مهم یۉللریدن بیری دېب حسابلهیدی.
