بمت: افغانستانده ۹،۸ مېگاوات قویاش انرژیسی قوّتی یره‌تیلدی
۸صبح، کابل: بیرلشگن ملتلر تشکیلاتی‌نینگ ترقیات دستوری (UNDP)نینگ معلوم قیلیشیچه، سۉنگگی قریب تۉرت ییل ایچیده افغانستانده ۹،۸ مېگاوات قویاش برق انرژیسی قوّتی یره‌تیلگن.
اوشبو تشکیلات چارشنبه کونی، ۱۵ میزان، مذکور برق تامیناتی ۲۰۲۳-ییل جنورییدن ۲۰۲۶-ییل سپتمبریگه قدَر (SESEHA) دستوری آرقه‌لی یره‌تیلگنینی معلوم قیلدی.
تشکیلات‌نینگ اَیتیشیچه، اوشبو لایحه افغانستان بۉیلب ۸۰۰ ته ساغلیقنی سقلش و تعلیم مرکزینی تازه و ایشانچلی انرژی بیلن تأمینله‌گن.
تشکیلات قۉشیمچه قیلیشیچه، بو مرکزلر ۶۲۱ ته مکتب، ۱۵۴ ته ساغلیقنی سقلش مرکزی، تومنلرده‌گی ۱۸ ته شفاخانه و یېتّی ته ولایت شفاخانه‌سینی اۉز ایچیگه آله‌دی.
افغانستان، اینیقسه چېکّه حدودلرده، برق انرژیسی تنقیصلیگی و اوندن فایده‌لنیش امکانیتی‌نینگ چېکلنگنلیگی بیلن یوزمه-یوز کېلماقده. قویاش انرژیسیدن فایده‌لنیش اېسه مملکتده‌گی ساغلیقنی سقلش و تعلیم مرکزلرینی برق انرژیسی بیلن تأمینلش یۉللریدن بیری صفتیده قره‌لماقده.
