بیرلشگن ملتلر تشکیلاتی رسمی‌سی: القاعده طالبان بیلن علاقه‌لرینی سقلب قالگن
۸صبح، کابل: بیرلشگن ملتلر تشکیلاتی‌نینگ تروریزمگه قرشی کوره‌ش باشقرمه‌سی سرپرستی الکساندر زویف، افغانستانده القاعده موجودلیگینی و اوشبو گروه طالبان بیلن دۉستانه علاقه‌لرینی سقلب قالگنینی اَیتدی.
بیرلشگن ملتلر تشکیلاتی‌نینگ رسمی‌سی، شنبه کونی، ۲۷ سرطان، روسیه‌‌نینگ تاس اخبارات آژانسی‌گه بېرگن صحبتیده، القاعده افغانستاندهگی فعالیتی کمه‌یگنیگه قره‌مه‌ی، هنوز طالبان بیلن اۉز علاقه‌لرینی سقلب قاله‌یاتگنینی معلوم قیلدی.
اونینگ قۉشیمچه قیلیشیچه، افغانستان اۉتگن ییللردن بویان کۉپلب ترورچی گروهلر فعالیت یوریته‌دیگن حدود بۉلیب کېلگن و هنوز ترورچی گروهلر تهدیدیگه دوچ کېلماقده.
اوشبو بیاناتلر روسیه تشقی ایشلر وزیری سرگی لاوروف داعش‌‌نینگ خراسان بۉلینمه‌سینی مرکزی آسیا اوچون اېنگ کتّه تهدید دېب اته‌گن بیر پیتده ینگره‌ماقده.
