یوناما: طالبان محتسبلری حجاب سببلی ۵۰ نفردن آرتیق عیالنی حبسگه آلدی یاکه تهدید قیلدی
۸صبح، کابل: بیرلشگن ملتلر تشکیلاتی‌نینگ افغانستاندهگی یاردم هیاتی (یوناما) سۉنگگی اوچ آی دوامیده طالبان محتسبلری تامانیدن حجاب بۉییچه کۉرسه‌تمه‌لرگه رعایه قیلمه‌گنلیکده عیبلنیب، عیاللر‌نینگ حبسگه آلینیشی و تهدید قیلینیشی بیلن باغلیق ۵۰ دن آرتیق حالتنی حجتلشتیرگنینی معلوم قیلدی.
یوناما پنج‌شنبه کونی، ۲۳-مېزان، افغانستاندهگی انسان حقوقلری حالتی بۉییچه ینگی حساباتیده اوشبو حالتلر ۲۰۲۶-ییل ۱-جولایدن ۳۰-سپتمبرگچه قید اېتیلگنینی بیلدیردی.
حساباتده اَیتیلیشیچه، بو حالتلر‌نینگ اکثریتی کابل و هرات شهرلریده قید اېتیلگن، شونینگدېک، بدخشانده هم بیر حالت حجتلشتیریلگن.
یوناما حساباتیگه کۉره، طالبان محتسبلری ۱۳ یاشلی بیر قیزنی حجاب بۉییچه کۉرسه‌تمه‌لرگه رعایه قیلمه‌گنلیکده عیبلب، حبسگه آلگن.
قیز بیر کېچه حبسده سقلنگنیدن سۉنگ، آته‌سی اونی آلیب کېتیش اوچون کېلگنیده آزاد قیلینگن.
یوناما شونینگدېک، طالبان محتسبلری ۱۰-جولای کونی هرات شهریده رۉمال اۉره‌مه‌گنی سببلی ۱۰ نفر عیالنی حبسگه آلگنینی خبر قیلگن.
