یونامانینگ ینگی گزارشی؛ طالبان حاکمیتی آستیده افغانستانده انسان حقوقلری تشوشلی وضعیتی
۸صبح، کابل: افغانستانده بیرلشگن ملتلر تشکیلاتی نینگ معاونت دفتری (یوناما) اۉزی نینگ ینگی گزارشیده طالبلر حاکمیتی آستیده انسان حقوقلری وضعیتی حقیده تشویش بیلدیرگن.
یوناما ۱- عقرب دوشنبه کونی، «۲۰۲۳- جولایدن سپتمبرگچه افغانستانده انسان حقوقلری وضعیتی بارهسیده ینگی معلومات» عنوانی آستیده اوشبو گزارشنی نشر قیلیب، مملکتده انسان حقوقلری وضعیتینی اۉرگنگن.
بو اداره نینگ گزارشی ارزگان ولایتی ارزگان خاص اولسواللیگی وضعیتیگه بغیشلنگن دیر.
اوشبو گزارش، میلادی جاری ییل جون و آگست آیلریده، هزارهلر اۉلدیریلگنی و ارزگان ولایتی ارزگان خاص اولسواللیگیده هزاره دهقانلرگه قرهشگلی ماللر و زراعتی محصولات بوزیب تشلنگنی خصوصیده ترقهتیلگن گزراشلرگه اساسلب تیارلهنیب نشر قیلینگن دېیلگن.
بو حادثهلرده طالبان جنگریلری نینگ قۉلی بارلیگی حقیده خبرلر نشر بۉلگنینی بېللی قیلگن یونام ادارهسی.
بو اداره نینگ ایتیشیچه، ۲۰۲۳- ییل، جون آییدن سپتمبرگچه، کمیده آلتی کیشی هزاره نینگ اۉلدیریلگنی، هزارهلرگه تېگیشلی نقلیه واسطه، اویلر و ایکینچیلیک محصولات بوزیب تشلنگنی قۉشیمچه و ارزگان خاص اولسواللیگیده هزاره یشاووچیلریدن کمیده ایکّی کیشی نا تنیش آدملر آرقلی کلتکلنگنی ثبت اېتیلگن.
یونامانینگ کۉپه یتیریشیچه، بو اولسواللیک خوفسیزلیک وضعیتی تېکشیریلیشی مقصدیده، سپتمرنینگ ۱۶-سیده کابلدن بیر هیات ارزگان خاص اولسواللیگیگه سفر قیلگن.
شونینگدېک گزارشده، جولای نینگ ۲۵ و ۲۶-سیده کابلده، طالبان شیعه مذهبلی عبادتچیلرنی اوشبو گروه تامانیدن اعلان قیلینگن خوفسیزلیک چېکلاولرنی نظرده توتمهگنی سبب کلتکلهگن.
یونامانینگ تاکیدلهشیچه، میلادی جاری ییل جولای نینگ ۲۸- سیده غزنی شهریده، طالبان کوچلری شیعه مذهبلی عزادارلر جمعیتیگه اۉق اوزگن و بونینگ نتیجهسیده بیر باله و بیر خاتین شامل تۉرت کیشی هلاک بۉلگن و باشقه آلتی انسان تن جراحتی آلگن.
طالبلر تامانی هنوزگچه بو تۉغریده هیچ نرسه دېمهگن.
عین حالده، افغانستان خلقی اسلامی وحدت حزبی رهبری محمد محقق، جاری ییل سنبله آییده طالبلر ارزگانده بیر آته و اۉغیل قومی و مذهبی خصومتلر باعث اۉلدیرگن دېب ادعا قیلگن اېدی.
۸صبح کوندهلیگی نینگ معلوماتی اساسیده، عاشورا مراسمی کونلریده طالبلر ایریم ولایتلرده شیعهلرگه کۉپینچه چېکلاولرنی قۉیگن اېدی.