یونیسف: هر بیر باله اۉرگنیش، اۉینه‌ش و تیکلنیش اوچون خوفسیز مکانگه اېگه بۉلیشگه حقلی
۸صبح، کابل: بیرلشگن ملتلر تشکیلاتی‌نینگ باله‌لرنی قۉللب-قۉتلش جمغرمه‌سی (یونیسف) هر بیر باله اۉرگنیش، اۉینه‌ش و تیکلنیش اوچون خوفسیز مکانگه اېگه بۉلیشگه حقلی اېکنینی اَیتماقده.
اوشبو تشکیلات پنج‌شنبه کونی، ۲۹ اسد، ایکس صحیفه‌سیده یازیشیچه، کنر ولایتی‌نینگ خاص کنر تومنیده‌گی باله‌لر اوچون دۉستانه مکانلرده باله‌لر روحې-اجتماعی یاردم آلماقده.
یونیسف‌نینگ اَیتیشیچه، بو یاردملر اۉقیتیلگن اجتماعی خادملر تامانیدن و یونیسف آلمان‌نینگ مالیوی یاردمیده تقدیم اېتیلگن.
باله‌لر جمغرمه‌سی بو مکانلر باله‌لرگه خوفسیز محیطده اۉرگنیش و اۉینه‌ش امکانیتینی بېریشینی اَیتگن.
یونیسف قۉشیمچه قیلیشیچه، باله‌لر اوشبو یاردملر آرقه‌لی خاطرجمعلیک حسی و عادتی حیات طرزینی ینه بیر بار باشدن کېچیریش امکانیگه اېگه بۉلگن.
