یونیسف: ۲۰۲۳-ییلدن بېری ۶ میلیوندن آرتیق کیشی افغانستانگه قَیتیب کېلگن
۸صبح، کابل: بیرلشگن ملتلر تشکیلاتینینگ بالهلرنی قۉللب-قۉتلش جمغرمهسی (یونیسف)نینگ افغانستاندهگی وکیلی تاجالدین اویوالی ۲۰۲۳-ییلدن بویان قۉشنی مملکتلردن ۶،۴ میلیوندن آرتیق کیشی افغانستانگه قَیتیب کېلگنینی اَیتدی.
اویوالی پنجشنبه کونی، ۱۹ سنبله، ایکس صحیفهسیده تورخم چېگرهسیگه یقین جایلشگن عمری کمپده یونیسفنینگ قَیتیب کېلگنلر، جملهدن، بالهلرنی قۉللب-قوّتلشی دوام اېتهیاتگنیگه گواه بۉلگنینی یازدی.
اونینگ اَیتیشیچه، یونیسف قَیتیب کېلگنلرگه ضرور خدمتلرنی کۉرسهتماقده و بالهلرنی قۉللب-قوّتلشگه هم علیحده اعتبار قرهتماقده.
اویوالی ۶،۴ میلیوندن آرتیق افغانستانلیکنینگ قَیتیب کېلیشی افغانستاندهگی اساسی خدمتلرگه ینهده کتّه باسیم اۉتکزگنینی قۉشیمچه قیلدی. بو خدمتلر اوّلدن هم چېکلاولر و منبعلر یېتیشمسلیگیگه دوچ کېلیب کېلگن.
سۉنگگی آیلرده افغانستانلیکلرنینگ قۉشنی مملکتلردن قَیتیشی کۉپهیگن و قَیتیب کېلگنلرنینگ کتّه قِسمی تورخم، اسلام قلعه و سپین بولدک چېگره یۉللری آرقهلی افغانستانگه کیریب کېلماقده.
