یونیسف: اروپا اتفاقی افغانستاندهگی ۳۳۶ ته مکتبده تعلیمنی یخشیلشنی قۉللب-قوّتلهیدی
۸صبح: بیرلشگن ملتلر تشکیلاتینینگ بالهلرنی قۉللب-قۉتلش جمغرمهسی (یونیسف) افغانستاندهگی ۳۳۶ ته دولت مکتبیده تعلیم صفتینی آشیریشگه حرکت قیلهیاتگنینی معلوم قیلدی.
یونیسفنینگ افغانستاندهگی وکیلی تاجالدین اویوالی، چهارشنبه کونی، ۲۷-عقرب، اوشبو دستور اروپا اتفاقی یاردمیده عملگه آشیریلهیاتگنینی اَیتدی.
یونیسفنینگ افغانستاندهگی وکیلی اوشبو دستور مکتبلرنی قَیته تیکلش و اۉقیتووچیلرنی اۉقیتیشنی اۉز ایچیگه آلیشینی تاکیدلهدی.
اویوالی کابلدهگی ۱۲ امام لیسهسیگه تشریفی چاغیده اۉغیل و قیز اۉقووچیلرنینگ تعلیم آلیش جریانینی یقیندن کۉزدن کېچیرگنینی قۉشیمچه قیلدی.
بو شوندهی بیر پیتده دیر که طالبان حاکمیتگه کېلگنیدن سۉنگ، قریب ۲،۴ میلیون قیز باشلنغیچ تعلیمدن محروم بۉلگن.
آرهدن بېش ییلدن آرتیق وقت اۉتگن بۉلسه-ده، اوشبو چېکلاولر هنوز دوام اېتماقده.
افغانستان حاضرده قیزلر اوچون اۉرته و عالی تعلیم تقیقلنگن دنیادهگی یگانه دولت حسابلنهدی.





